Əl-Məlik, Əl-Quddüs


Aygün Məmmədzadə
Bu yazıya 1032 dəfə baxılıb.

Əl-Məlik bütün kainatın, gözlə görülən və görülməyən bütün aləmlərin yeganə sahibi və mütləq surətdə hökmdarı deməkdir. Bu haqda Qurani-Kərimdə belə buyurulur:

“Həqiqi hökmdar olan Allah (hər şeydən) ucadır. Ondan başqa heç bir tanrı yoxdur. O, kərim (uca, qiymətli) olan ərşin Rəbbidir!” (əl-Muminun, 116)

“Göylərdə və yerdə nə varsa, (hamısı) Allahı təqdis edib şəninə təriflər deyər. Hökm Onundur, həmd-səna da Ona məxsusdur. O, hər şeyə qadirdir!” (ət-Təğabun, 1)

Üzərində yaşadığımız dünya və onu əhatə edən atmosfer, buna əlavə olaraq kainatda yer alan planetlər sistemi ilə əlaqəli bütün bilgilərimiz yaradılmış hər şeyin bir “qanunlar silsiləsi” ilə idarə olunduğunu və heç bir şeydə özbaşınalıq olmadığını göstərir.

Baş verən hər bir hadisə Hakimi-Mütləq olan Uca Yaradanın varlığından xəbər verir.

Sahibimiz aləmlərin hökmdarı, Məliki olan O Uca Allahdır.

O, bizə şah damarımızdan daha yaxındır!

Dua etdiyimiz zaman, duamızı eşidən və cavab verən Odur!

Ona bu qədər yaxın ola biləni dünya əyə bilərmi?

Haqq-Təalanı tapan nəyi itirər? Onu itirən nəyi qazanar?

Ey insan, Onu axtar tap və itirməməyə çalış. Mülk Onundur, sən də Onun mülkünün bir parçasısan. Onun əmri ilə var olmusan və həyat sürürsən. Heç nəyə sahib olmadığını, hər şeyin yeganə sahibinin O olduğunu gör! Nəmrudlaşmasın nəfsin, “mən” demə “mənim” demə!

 

Qurani-Kərim cilovlanmayan insan nəfsinin onu necə azdıracağını açıq-aşkar ortaya qoyur:

“(Ya Rəsulum!) Allahın verdiyi hökmranlıq üzündən (azğınlaşaraq) İbrahim ilə Rəbbi barəsində mübahisə aparan şəxsi (Nəmrudu) görmədinmi? (Və ya əhvalatını bilmirsən?) İbrahim: “Mənim tanrım həm dirildir, həm də öldürür”, - dediyi zaman, o (Nəmrud): “Mən də həm dirildir, həm də öldürürəm”, - demişdi. İbrahim ona: “Allah Günəşi şərqdən doğdurur, bacarırsansa, sən onu qərbdən doğdur!” – dedikdə, o kafir donub qalmışdı. Həqiqətən, Allah (özünə) zülm edənləri düz yola yönəltməz!”  (Bəqərə, 258)

Elə isə əlimizi açaraq belə dua edək o məliklər Məlikinə:

“Ey bədən mülkümün, ağıl mülkümün, və ürəyimin “məliki” olan Uca Yaradan, özümü, işimi, övladlarımı, evimi sənə təslim etdim. Sən hər şeyin sahibisən! Məni qoru! Məni yolundan ayırma! Tut əlimdən Rəbbim! Sənə layiq olum! Amin”. 

 

 Əl-Quddüs hər cür xətadan, qəflətdən, bütün əskikliklərdən və nöqsanlardan pak, təmiz olan, bütün təriflərin üstündə olan deməkdir.

“O Özündən başqa heç bir tanrı (məbud) olmayan, (bütün məxluqatın) ixtiyar sahibi, müqəddəs (pak) olan, (bəndələrinə) salamatlıq, əmin-amanlıq bəxş edən, (hər şeydən) göz-qulaq olub (onu) qoruyan, yenilməz qüdrət (qüvvət) sahibi, (hamını istədiyi hər hansı bir şeyə) məcbur etməyə qadir olan, (hər şeydən) böyük (hər şeyin fövqündə) olan Allahdır. Allah (müşriklərin) Ona qoşduqlarından (şəriklərdən) ucadır”. (əl-Həşr, 23)

Makro və mikro aləmdə görə bildiyimiz və görə bilmədiyimiz hər şeyin yaradıcısı olan Uca Allah kainatı ağıllara durğunluq verəcək bir intizam ilə yaratmışdır. Ətrafını təfəkkür ilə seyr edən hər göz təbiətdəki təmizliyi fərq edər. Quddüs olan Yaradan, heyvanlar aləmində  yaratdığı hər canlıya təmizliyi öyrətmişdir. Kimi yuyunaraq, kimi əl-ayağını yalayaraq, kimisi də özündən kiçik canlıların təmizlikçi kimi ona yardım etməsi ilə vücudunu təmizləyər.

Yaşıl rəngdə olan hər ağac təbiətin ciyəri kimidir, havada oksigen və karbondioksidi nizamlayaraq, havanı təmizləyərək canlıların istifadəsinə yararlı hala gətirir.

O, əl-Quddüsdür!

Allahın Quddüs adını təfəkkür edən hər insan səcdəyə qapanar, ətraf mühiti və təbiətdəki nizamı qorumaq üçün əlindən gələni edər. Müsəlman bilir ki, kainat ilə eyni inancı paylaşmaqla Uca Yaradana qulluq edir.

İnsanlar və ağaclar qiyamdadır.

Heyvanlar rükudadır.

Sular və yerdəki bitkilər səcdə halındadırlar.

O, suyu yaradıb, hər şeyin tərkibinə bu möcüzəni yerləşdirərək suyu həyat qılmışdır. Suya təmizləmə gücü vermişdir. Peyğəmbərimiz (s.ə.s.) buyurur:

“Sizdən birinizin qapısı önündə bir çay axsa, gündə beş dəfə həmin çayda yuyunsa, bədənində kir qalarmı? Qalmaz. Suyun kirləri yuyub apardığı kimi namaz da günahları elə silər” (İbn Macə, Müslim, Məsacid, 283).

Ey Uca Rəbbim, Sən qulunu su ilə maddi kirlərdən, namaz ilə də mənəvi kirlərdən təmizləyənsən!

Tövbə qapılarını əcələ kimi açıq tutub, göz yaşları ilə yuyunan ruhları Təvvab adınla himayə edənsən!

Hər cür nöqsanlıqdan uzaq, pak və təmiz olansan!

Sən ən uca olansan, Alimsən, Mütəkkəbbirsən. Bizə Quddüs adınla rəftar et, bizi təmizlə Allahım!


Aygün Məmmədzadə
Bu yazıya 1032 dəfə baxılıb.

MÜƏLLİFİN DİGƏR YAZILARI
  • Xocalı yurdum, yuvam, anam, Vətənimdir.
  • Günəş ulduz kimi
  • Yaşıl mərcili əriştə supu
  • Asan türk ev paxlavası
  • Gəncliyə yardım fondunda sertifikat mərasimi
  • Bakıda mövlana işığına toplaşdılar
  • Bananlı karamelli kek
  • Kartoflu muffin
  • MÜBARƏK ÜÇ AYDA HƏYATI YENİLƏNMƏK FÜRSƏTİ
  • İspanaq Yeməyi
  • HƏR YERDƏ İLAHİ KAMERALAR
  • Toyuq sosiskası,Xarço Şorbası
  • Möminlərin anası və sədaqət nümunəsi Hz.Xədicətul-Kübra. (r.a.)
  • Mərhum Musa Topbaş Əfəndidən XANIMLARA TÖVSİYƏLƏR
  • Şeytana Qalib Gəlməyin Yolu
  • Mərhum Musa Topbaş Əfəndinin uşaq tərbiyəsinə verdiyi önəm
  • Qurban Allaha yaxınlaşmaq üçün bir vasitədir
  • Hz. Zeynəbin Emalatxanası
  • İki Qanadlı Təhsil
  • Onu Anarkən
  • Quranda bir ata örnəyi HƏZRƏT LOĞMAN
  • Göbələkli salat
  • Toyuqlu boxça
  • Manna yarmalı tort
  • Yardımlaşmanın fəziləti
  • Ölüm Haqdır
  • Ananaslı keks
  • Yaşıl mərcili makaron salatı
  • Çolpalı Şorbalı Xəngəl
  • Sadə Rulet
  • İçlikli Kartof Topları
  • Pomidor Qəlyanaltısı
  • Aşura
  • Tərəvəzli Gül Kələmi Şorbası
  • Ləzzətli Yuvalar
  • Brovni Keksi
  • Məhərrəm Ayı
  • Təqvimin Tarixi
  • Gavalı Salatı
  • Qurudulmuş Ətli Sürhüllü
  • Buxarda Toyuq Ruleti
  • Donut
  • Ən Gözəl Adlar "O"nundur
  • Əncirli Qozlu Qurabiyə
  • Ev Şəraitində Lülə Kabab
  • Olivye Salatı
  • Toyuq Xəngəli
  • Ər-Rahman, Ər Rəhim
  • İspanaqlı, Qaymaqlı Börək
  • Dadlı Qurabiyə
  • Tezbazar Kök Salatı
  • Arzuman Küftəsi
  • Əl-Məlik, Əl-Quddüs
  • Kumpir
  • Albalılı Parfe
  • Quru Çörək Şirniyyatı
  • Halva
  • Əs-Salam, Əl-Mümin
  • Çaylı keks
  • Sevimli üzlər (uşaq yeməyi)
  • Üzüm Salatı
  • Sobada badımcan börəyi
  • Əl-Muhəymin, Əl-Əziz
  • Midya Şirniyyatı
  • Mərcimək küftəsi
  • Üç rəngli börək
  • Sulu küftə
  • Əl-Cabbar, Əl-Mütəkkəbir
  • Qatıqlı buğda şorbası
  • Kartof pizzası
  • Toyuq ətindən göbələk salatı
  • Ərik cemli piroq
  • Əl-Xaliq, Əl-Bari
  • Ətli Ərzurum şorbası
  • Ətli qat-qat
  • Xanım kaprizi salatı
  • Qozlu piroq
  • Əl-Musavvir, Əl-Ğaffar
  • Omlet kekslər
  • Balqabaqlı, isbanaqlı tort
  • Mərciməkli, küftəli şorba
  • Ətli keks
  • Əl - Qahhar
  • Mövlana və Məsnəvisi
  • Göbələkli kartof damlası ilə şorba
  • Ağlayan kek
  • Tərəvəzli kartof salatı
  • Əl-Fəttah
  • Təbriz Küftəsi
  • Kartoflu Kroket
  • Rulet salatı
  • Kartoflu-pendirli zapekanka
  • Kəsmikli pendirli xaçapuri
  • Portağallı Lokum
  • Əl-Qabid
  • Ətli salat
  • Soğan dolması
  • Göbələkli, kartoflu piroq
  • Qozlu qurabiyə
  • Əl-Basit
  • Xallı toyuq salatı
  • Toyuq ruleti
  • Urfa kababı
  • Qat-qat bükmə
  • Kartof ruleti salatı
  • Beşamel souslu sobada vermişel
  • Plovlu toyuq dolması
  • Qurabiyə
  • Ər-Rafi
  • Əl-Muzil
  • Almalı qurabiyə
  • Toyuq supu
  • Tərs Dolma
  • Saxsıda küftə
  • Qələm qabı
  • Əs-Səmi
  • Lobya salatı
  • Kartoflu blinçik
  • Toyuqlu tərəvəz dolması
  • Yerkökülü cəzəryə
  • ƏL-HAKƏM